د لاسرسي ځای

تازه خبر

په ننګرهار کې یو قومي مشر ووژل شو


په ننګرهار کې یو ځايي قومي مشر حیات خان ووژل شو.

د افغانستان په ننګرهار ولایت کې یو ځايي قومي مشر او د ولسي جرګې نوماند حاجي حیات خان له درو نورو کسانو سره یو ځای په یو برید کې وژل شوی دی.

د ننګرهار د والي ویاند عطاالله خوګیاڼي رسنیو ته په استولي پیغام کې ویلي چې حاجي حیات خان د دوشنبې په مازیګر د روداتو ولسوالۍ په کابل کېمپ سیمه کې په یوه موټربم برید کې وژل شوی دی.

عطاالله خوګیاڼي ویلي چې له حاجي حیات خان سره وژل شوي درې واړه کسان د ده خپلوان وو چې دوه یې ساتونکي او دریم یې موټر چلوونکی وو.

د دې برید زمه واري لا چا نه ده منلې.

د ولسمشر اشرف غني او د ملي امنیت د سلاکار دفترونو په جلا اعلامیو کې دا برید غندلی او د حیات خان د کورنۍ له غړو سره یې خواخوږي څرګنده کړې ده.

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG