د افغانستان د دفاع وزارت په کندوز کې د عملیاتو پر مهال ولسي وګړو ته د مرګ ژوبلې پر اوښتو خپګان ښودلی او د پېښې پلټنې یې پیل کړې دي.
د وزارت ویاند جنرال محمد رادمنش بېګا مشال راډیو ته وویل، تر تحقیقاتو وروسته به رسنیو ته معلومات ورکړي.
په عین وخت کې د کندوز د والي ویاند نعمت الله تیموري رسنیو ته ویلي چې په د پنجشنبې پر پېښه کې د ښځو او ماشومانو په ګډون ۱۴ کسان وژل شوي دي.
رسنۍ وايي، ولسي وګړي د بهرنیو او افغان ځواکونو په ګډو عملیاتو کې وژل شوي.
په افغانستان کې مېشتو بهرنیو ځواکونو په دې اړه لا څه نه دي ویلي.