له پوځي عملیاتو دوه ځلي ویجاړ بازار باجوړیانو بیا ودان کړ
د باجوړ ضلعی عنایت کلا بازار په اول وار په ۱۹۹۴ ز کال د تور پټکي نومي تحریک په دوران وران کړل شوی وو خو په دوهم وار نهه کاله وړاندې (۲۰۰۹ز کال) د تحریک طالبان پاکستان پرضد د پوځي اپرېشن په دوران وران کړې شوی وو. د دغه بازار سوداګر او کاروباریان وايي چې په پوځي عملیاتو کې یې د کروړونو کروړونو روپیو تاوان شوی وو. نن دغه بازار یو وار بیا ودان شوی او د دکانونو شمېر یې له درو زرو زیات شوی دی. له دې ځایه کراچۍ، لاهور او پنډۍ ته هم ګاډي ځي، خو که څوک ورته نه وراځي، نو هغه د کونړ کاروباریان دي ځکه چې د نوا درې او غاښي درې لارې بندې دي. د شاهنواز ترکزي ویډيو