امریکايي چاروکو پر درېوو روسي وګړیو او پنځو روسيو کمپنیو نوي بندیزونه ولګول.
په دې کې هغه انټرنيټي تحقيقاتي کمپنۍ او يوه بله هغه په نښه کړې چې د روسې يوې وتلې استخباراتي ادارې ته په اوبو دننه د ډوبېدو الاتو په برابرولو کې مهارت لري.
د امریکا د خزانې وزارت لخوا د ګل په ورځ دغه نوی ګام ، د واشنګټن لخوا د ماسکو پرضد د هغو هلو ځلو وروستۍ برخه ده چې هدف يې د معاشي بنديزونو د لارې د انټرنيتي غلا، له بشري حقونو د سرغړونو ، په يوکراين کې د روان کړکېچ او نورو فعاليتونو لپاره روس په نښه کول دي.
د امریکا د خزانې وزارت سکتر ويلي چې د کومو دريو کمپنيو نومونه اعلان شوي هغوی د مسکو له پوځ او استخباراتي ادارو سره نيغ په نيغه کار کاوه او د امریکا او د هغه د متحدینو ثبات يې له خطر سره مخ کړی وو .
د دغه وزارت په اعلامیې کې راغلي چې دغو کمپنیو د روسیې له وفاقي امنیتي ادارې سره د ټګنالوژي او نور موادو په برخه کې مرسته کوله او یوه یې د همدې ادارې (FSB) لخوا کنټرولیده.
د امریکا استخباراتي اداره پر دې نتيجه رسېدلې چې روس د انټرنټي فعالیتونو په کارولو سره د امریکا د ۲۰۱۶ کال په ولسمشریزو انتخاباتو کې مداخله کړې ده.
