د لاسرسي ځای

تازه خبر

په اردن کې د زرګونه کسانو مظاهره دوام لري


په اردن کې د حکومت د سختو اقتصادي پرېکړو له امله د زرګونه کسانو مظاهره نن دوشنبه هم دوام لري.

شااوخوا درې زره مظاهره‎چیانو د پلازمېنې عمان سړکونو ته راوتلي او د حکومت د هغې طرحې مخالفت کوي چې له ‎مخې يې د ماليې نوی قانون جوړېږي او بیې لوړېږي.

د پیسو نړیوال صندوق «ای اېم اېف» بیا د اردن د حکومتي نوې اقتصادي طرحې ملاتړ کړی دی.

مظاهره چیانو د وزیر اعظم هاني ملقي د ګوښه کېدو غوښتنه کوي او ګواښ کوي چې تر څو پورې پارلمان ته استول شوې اقتصادي طرحه لغوه شوې نه‎وي، دوی به خپلو مظاهرو ته دوام ورکړي.

په همدې حال کې یوې سرچینې روېټرز خبري اژانس ته ویلي چې نن د ورځې په وروستیو کې به د اردن پاچا عبدالله دوهم د مظاهره‎چیانو د غوسې کمولو په هدف له وزیر اعظم وغواړي چې استعفا وکړي.

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG