د لاسرسي ځای

تازه خبر

د خیبر پښتونخوا په بنو کې د پولیسو له ګاډي سره نېږدې په چاودنه کې یو کس وژل شوی او ۵ نور کسان ژوبل دي.

د پولیس یو چارواکي مشال راډیو ته وویل چې دا پېښه د جمعې په ورځ د بنو له چونګۍ چوک سره نېږدې شوې ده.

د دوی په وینا، چوونکي توکي په موټر سایکل کې اېښودل شوي او بیا د ریموټ کنټرول په وسیله چاودنه شوې ده.

چا تر اوسه د دې پېښې زمه واري نده منلې.

بلخوا د پولیسو چارواکي وايي چې د پېښور په یوه هوټل کې دچاودنې په پېښه کې لږ تر لږه پنځه کسان وژل شوي او درې ژوبل دي.

د پېښور ښار امنیتي او د مرستندویه ادارې ۱۱۲۲ چارواکو د جمعې په سهار مشال راډیو ته وویل چې دا پېښه تېره شپه رامنځ ته شوې ده.

دوي وویل چې دا پېښه د پېښور له ګلبهار سیمې سره نږدې په بلال ټاون کې په یوه هوټل کې شوې ده.

د پاکستان خبري رسنۍ وايي چې په چاودنه کې وژل شوي کسان د یوې کورنۍ غړي دي چې پکې دوه ماشومان هم شامل دي.

تر دې دمه د چاودنې علت نه دی معلوم.

XS
SM
MD
LG