لاهور کې د پښتون غورځنګ لسګونه پلویان نیول شوي
په پنجاب کې د پښتون تحفظ مومنټ د پوهنتونونو غړي وايي چې په لاهور ښار کې د دوی لسګونه ملګري هغه مهال ونیول شول چې د خپل مشر منظور پښتین په لارښوونه یې په سیند کې د غورځنګ نیول شويو پلویانو لپاره خپل احتجاج کولو. بلخوا د پنجاب حکومت د لوړو زده کړو وزیر رضا علي ګیلاني له مشال راډیو سره په خبرو کې د دغه خبرې پخلی کړی چې زده کوونکي نیول شوي دي خو د دوی حکومت نه دي نیولي بلکې ادارو له ځان سره بیولي دي. یاده دې وي په حیدر اباد او کراچۍ کې وار دمخه د پي ټي اېم یوولس پلویان نیول شوي دي.