د ايران، ترکیې او روس ولسمشران نن په انقره کې د شام د راتلونکې په اړه خبرې کوي. دا په تېرو شپږو میاشتو کې د يادو درېوو هېوادونو د ولسمشرانو دوهمه ناسته ده.
دا درې واړه هېوادونه د شام په اوه کلنه جګړه کې په ژور ډول ښکېل دي. روس او ايران د بشارالاسد ملاتړ کوي او ترکي د هغو ياغيانو ملګرې ده چې د اسد ليرېکول غواړي.
دوی د شام جګړې ختمولو لپاره د قزاقستان په استانه کې د مذاکراتو يوه لړۍ پېل کړې ده او وايي په جينيوا کې د ملګرو ملتونو د خبرو سره يو ځای پر مخ ځي.