د لاسرسي ځای

تازه خبر

روسیه له هېواده امریکايي او برتانیاوي ډپلوماټان شړي


ماسکو وايي په سینټ پیټرزبرګ ښار کې امریکايي قونسلګري بندوي او د برتانیا، امریکا او نورو هېوادونو په شان له روسه هم هغه اومره سفارتکاران باسي لکه څومره چې هغوی ایستلي دي.

دغه اعلان بېګا د روس بهرنیو چارو وزیر سرګي لاوروف له هغې څو ساعته وروسته وکړ چې وړاندې د وزارت ویاندې ویلي ول چې د غرب د ګامونو په ردعمل کې به د دوی اقدامات ډېر ژر څرګند شي.

د پخواني روسي جاسوس سرګي سکریپال او د هغه لور یولیا ته د زهرجنې کیمیاوي مادې ورکول کېدو په غبرګون کې برتیانیا، امریکا او ملګرو یې تر ۱۵۰ زیات روسي سفارتکاران وویستل.

برتانیا پر روس تور لګوي چې د زهر ورکولو تر شا لاس لري. خو ماسکو یې ردوي.

د امریکا د بهرنیو چارو وزارت وویل حیرانه نه دي چې روس له خپل هېواده بهرني سفارتکاران باسي او زیاته یې کړه چې د دغه ګام دفاع نه شي کېدای.

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG