کرزی: د پاکستان پوځي پاليسي د سیمې په ګټه نه ده
د افغانستان د بهرنیو چارو وزارت سیاسي مرستیال حکمت خلیل کرزی وايي، افغان حکومت د پاکستان له ملکي حکومت سره کومه ستونزه نه لري بلکې د ستونزې اساسي لوری د پاکستان پوځ دی. ښاغلي کرزي له ازادي راډیو سره په یوه ځانګړې مرکه کې وویل چې د پاکستان پوځ داسې یوه سیاست ته مخه کړې چې نه د پاکستان، نه د افغانستان او نه د سیمې په ګټه ده. نوموړي زیاته کړه چې افغان حکومت له پاکستان سره هر اړخیزو روابطو ته حاضر دی خو له پاکستان نه یې وغوښتل چې پر خپل چلند باندې فکر وکړي. له ښاغلي کرزي احمد شیبر مرکه کړې: