د افغانستان د کورنیو چارو وزارت وايي، په کابل کې پر انټرکانټینېنټل هوټل د وسلهوالو د برید په اړه د حقیقت موندونکې ډلې د څېړنو راپور بشپړ شوی او په نږدې راتلونکي کې به ولسمشر ته وړاندې شي.
د کورنیو چارو د وزارت مرستیال ویاند نصرت رحیمي پرون سې شنبه ماښام ازادي راډیو ته د دې څېړنو د نتایجو په اړه د جزئیاتو له ورکولو ډډه وکړه او ویېوویل، کله چې ولسمشر اشرف غني ته د دې برید په اړه د څېړنو راپور وړاندې او تأیید شي، جزئیات به یې له خلکو سره شریک شي.
یوه میاشت مخکې په کابل کې څو تنه وسلهوال وتوانېدل چې له زیاته اندازه وسلو او مهماتو سره د انټرکانټینېنټل هوټل له امنیتي تلاشیو تېر شي او په هوټل کې دننه پر مېلمنو برید وکړي.
په دې برید کې وسلهوالو د هوټل تر ۲۰ زیات کورني او بهرني مېلمانه ووژل او لسګونه نور یې ټپیان کړل.
- وسلهوال څنګه وتوانېدل چې د کابل دې مهم هوټل ته چې شااوخوا یې کلک امنیتي تدابیر نیول شوي لاره پیدا کړي؟
دا هغه پوښتنه ده چې د یوې میاشتې په تېرېدو هم لا امنیتي چارواکو ورته ځواب نهدی ویلی.
البته د افغانستان د ملي امنیت ریاست ویلي چې دا حمله وسلهوالو طالبانو په پاکستان کې پلان کړې وه.