د لاسرسي ځای

تازه خبر

پاکستان له نیوزي لېنډه دویمه شل اوریزه لوبه وګټله


پاکستان د کرکټ په دویمه شل اوریزه لوبه کې نیوزي لېنډ ته په ۴۸ منډو ماته ورکړه.

پاکستان لومړی بېټنګ وکړ او په ټاکلو ۲۰ اورونو کې یې د څلور لوبغاړو په سر ۲۰۱ منډې وکړې.

په ځواب کې د نیوزي لېنډ ټوله لوبډله په ۱۹م اور کې پر ۱۵۳ منډو وسوځېده.

د دې لوبډلو ترمنځ به دریمه یانې وروستۍ لوبه د یکشنبې په ورځ ترسره کېږي.

بل پلو افغانستان د کرکټ د نولس کلنو نړیوال کپ ته وتلی دی.

د افغانستان لوبډلې نن د پنجشنبې پر ورځ کوربه هیواد نیوزي لېنډ ته په ۲۰۲ منډې ماتې ورکړه.

افغانستان لومړی بېټنګ وکړ او ۵۰ اورونو کې یې د شپږ لوبغاړو په سر ۳۰۹ منډې وکړې.

په ځواب کې یې د نیوزي لېنډ ټوله لوبډله پر ۱۰۷ منډو وسوځوله.

افغانستان به د نړیوال کپ په نیمه پای لوبه کې له اسټرالیا سره لوبه کوي.

د مشال ځانګړې پاڼې

XS
SM
MD
LG