د ملګرو ملتونو د کډوالو چارو ادارې (يو اېن اېچ سي ار) د پاکستان له حکومته غوښتي چې د افغان کډوالو د ستنولو پر پرېکړه بايد غور وکړي.
د يادې ادارې وياند نادر فرهاد د شنبې یا خالي پر ورځ په کابل کې مشال راډیو ته وويل، د پاکستان پرېکړه د نړيوالو قوانينو سرغړونه ده. نوموړي دا څرګندونې وروسته له هغې کړي چې پاکستان افغان کډوالو ته اجازه ورکړه چې د روانې جنوري مياشت تر پای پورې په هغه هېواد کې پاته کېدای شي. پاکستان ويلي، وروسته به پرېکړه وکړي چې دغه موده نوره غځوي او که نه.
