د لاسرسي ځای

تازه خبر

عبدالله کابل کې د یوې کورنۍ د ۱۰ تنو د وژلو پلټنه غوښتې


د افغانستان اجرائیه رئیس په کابل کې د یوې کورنۍ د ۱۰ غړو د وژل کېدو په تړاو د جدي پلټنو غوښتنه وکړه.

عبدالله عبدالله نن د وزیرانو شورا د ناستې په پیل کې رسنیو ته په دې اړه وویل:

"د پېښې په تړاو درې تورن کسان نیول شوي دي او موږ د افغانستان د کورنیو چارو وزارت او ملي امنیت ریاست د جدي پلټنو غوښتونکي یو، ځکه دغه جنایت ټولو خلکو ته ټکان ورکړی."

دا په داسې حال کې ده چې دوه ورځې وړاندې د کابل ښار د ۱۵مې امنیتي حوزې اړوند د ۵۰۰ فامیلیو په سیمه کې د یوې کورنۍ ۱۰ غړي ووژل شول او دوه ټپيان دي.

دا لومړی ځل نه‌دی چې په کابل کې دا ډول پېښه رامنځه کېږي.

له دې څه موده وړاندې د ۱۰مې امنیتي حوزې اړوند د پایکوب نصوار په سیمه کې د یوې کورنۍ پنځه ماشومان په ورته پېښه کې وژل شوي وو.

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG