د لاسرسي ځای

تازه خبر

د اولمپېک په لوبو کې پر روس بندېز ولګول شو


د اولمپېک لوبو نړیواله کمېټۍ وايي، د ۲۰۱۸م کال د ژمي په اولمپېک لوبو کې یې پر روس بندیز لګولی دی.

دا خبره د یادې کمېټۍ له خوا د سېشنبې په ورځ ناوخته په یو بیان کې شوې ده.

بیان لیکي چې پر روسیانو یې دا بندیز د دې تور له مخې لګولی دی چې هغوی د ریاست تر څارنه لاندې ممنوعه درمل کارولي وو.

بیان زیاتوي چې ځینې روسي لوبغاړي به په جنوبي کوریا کې کېدونکو لوبو کې تر کلکې څارنې لاندې برخه واخیستلای شي.

د اولمپک لوبو نړیوالې کمېټۍ د روس د لوبو پر پخواني وزیر ویتالي موتکو هم د ټول عمر لپاره بندیز لګولی دی چې په اولمپېک کې برخه نشي اخیستلای.

نوموړی اوس د روس مرستیال وزیراعظم دی.

د روس د بهرنیو چارو وزارت او د دې هېواد د اولمپېک کمېټۍ دواړو دا پرېکړه رد کړې او دا یې بې انصافي بللې ده.

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG