د لاسرسي ځای

اروپايي ټولنې د روسیې د ولسمشر ولادېمیر پوتین د هغه قانون پر لاسلیک تنقید کړی چې بهرنیو رسنیو ته د بهرنیو ادارو په توګه د ځان ثبتولو وايي او په دې توګه ورباندې محدودیتونه لګوي.

د اروپايي اتحادیې د ګاونډیو هېوادونو د پالیسۍ او مذاکراتو په برخه کې د ادارې ویاندې مایا کوسییانچیچ د اتوار په ورځ په یو بیان کې ویلي، دا قانون د روسيې د بشري حقونو ژمنو پر ضد دی.

ممکنه ده د روسیي لخوا په لیسټ کې د ازادې اروپا راډیو هم د بهرنیو ادارو په توګه یاد شي. د ازادې اروپا راډيو مشر تهامس کینټ ویلي، تراوسه د یوې خبري ادارې نوم هم د بهرنۍ هغې په توګه نه دی یاد شوی او نه هم د لګول کیدونکو بندیزونو اعلان شوی نو دا مهال د دې نوي قانون د اغیز په اړه څه اټکل نشې کولای.

XS
SM
MD
LG