د لاسرسي ځای

په پاکستان کې د امریکا پخوانی سفیر ویلیم مایلم وايي، د افغانستان په اړه د امریکايي ولسمشر ډونلډ ټرمپ په اعلان شوې تګلاره کې نوي څه نه شته.

ویلیم میلام دا خبره د پنجشنبې په ورځ ډیوه راډیو ته په یو ځانګړې مرکه کې کړې ده.

نوموړي ویلي، که امریکا هند په افغانستان کې زیات ښکېل کړي دا به ګټه ونه کړي.

د ده په وینا دا ځکه چې پاکستان هغه تګلارې د هند له ویرې جاري ساتي پر کومو چې امریکا نیوکې کوي.

ویلیم مایلم ویلي چې په افغانستان کې د بریا لپاره ضروري ده چې د افغانستان پوځ قوي کړل شي.

امریکايي ولسمشر ډونلډ ترمپ د تېرې دوشنبې په ورځ د افغانستان په اړه په خپله نوې تګلاره کې په ډاګه کړه چې امریکايي ځواکونه به تر بریالي کېدو په افغانستان کې د وسله والو پرضد موجود وي.

XS
SM
MD
LG