د لاسرسي ځای

د افغانستان په کندوز ولايت کې امنيتي چارواکي وايي په تېرو ٢٤ ساعتونو کې د دولت ١٠ تنه وسله وال مخالفان د پوځي عملياتو په نتيجه کې وژل شوي دي.

چارواکي وايي،دغه عمليات په چهاردرې ولسوالۍ کې شوي دي.

افغان امنيتي چارواکي غلام حضرت کريمي د چارشنبې پر ورځ مشال راډيو ته وويل،په دغو عملياتو کې اته نور وسله وال ټپيان شوي هم دي.

کريمي وايي چې په وژل شويو کې د وسله والو مخالفانو دوه قوماندانان هم شامل دي.

د دولت کومې مخالفې ډلې لا په دې اړه تبصره نه ده کړې.

XS
SM
MD
LG