د قندهار د امنې قومندانۍ وايي په شاه ولي کوټ ولسوالۍ کې د دولت وسله والو لخوا د یرغمل شوو ملکي وګړو د ژغورولو هڅې دوام لري.
د امني قومندانۍ ویاند ضیا دراني تیره شپه مشال راډیو ته وویل چې د یرغمل شوو د موقعیت د معلومیدو په صورت کې به د هغوي د ازادولو لپاره د هوايې ملاتړ په ګډون پوځي عملیات وشي.
د دراني په خبره امنیتي ځواکونه د ژغورنې د ممکنه عملیاتو پر مهال له پوره دقت او پاملرنې کار اخلي چې یرغمل شوو او نورو ملکیانو ته زیان ونه رسېږي.
وسله والو تیره اونۍ د قندهار په شاولي کوټ ولسوالۍ کې شاوخوا ۷۰ ملکیان یرغمل کړل چې د چارواکو په وینا ۷ کسان يې وژلي یو شمیر يې خوشې کړي او ۳۳ تنه يې له ځانه سره وړي دي.
