د امریکايي پوځ یو لوړپوړي جنرال ټوني تهامس د دې پخلی کړی دی چې سي آيي اې د شام د ولسمشر بشرالاسد پرضد د جګړې لپاره د یاغیانو د روزلو پروګرام رانغاړي.
جنرال ټوني تهامس زیاته کړې ده چې دا کار يي د روس د خوشالۍ لپاره نه دی کړی.
په شام کې د امریکا د ځانګړو عملیاتو مشر جنرال ټوني تهامس د جولايي پر ۲۱مه د امریکا په کولوراډو کې یوې غونډې ته د وینا په وخت ویلي دي چې دا یوه ډیره ستونځمنه پریکړه وه خو دا يې د روس په خاطر نه ده کړې.
جنرال ټوني تهامس زیاته کړې ده چې د پروګرام ځیني ناقدین په دې نتیجه رسیدلي وو چې یاغیان ولسمشر اسد له واکه د لیرې کولو موقعه نه لري.
دا پروګرام په ۲۰۱۳م کال کې د امریکا د هغه وخت ولسمشر باراک اوباما پیل کړی وو چې موخه يې د ولسمشر بشارالاسد له واکه لیرې کول وو خو تر اوسه يي ډیر لږ پرمختګ کړې وو.
