د مصر امنیتي چارواکي وايي دوو ځانمرګو شپږویشت مصري عسکر وژلي دي.
دوي وايي دې ځانمرګو نن په شمالي سینايي ټاپووزمه کې د موټر په وسیله پر یو امنیتي پوسته برید کړی دی.
دا برید په داسې سیمه کې شوی دی چې د اسلامي دولت وسله واله ډله پکې د مصر د حکومتي ځواکونو پرضد جګړه کوي.
چارواکي وايي چې یادې ډلې په ۲۰۱۳م کال کې له هغه ورسته هلته په سلګونه عسکر وژلي دي کله چې پوځ د اسلام پالي ولسمشر محمد مرسي حکومت ړنګ کړ.
