د افغانستان دفاع وزارت وایي چې په څو اونیو کې ښایي پاکستان خپل لور ته د کابل له غوښتنې سره سم د مشکوکه ترهګرو پرضد عملیات پیل کړي.
د افغانستان د دفاع وزارت مرستیال ویاند جنرال محمد رادمنش د چارشنبې په ورځ مشال راډیو ته وویل چې د دوی عملیات دوام لري او پاکستان هم خپل چمتوالی څرګند کړی.
د ده په خبره ښايي په لنډ وخت کې دا عملیات پیل شي، خو اعلان ته یې باید انتظار وشي.
د پاکستان حکومت روانه اونۍ د امریکایي سناتورانو له یوه پلاوي سره موافقه وکړه چې د ډیورنډ کرښې دواړو غاړو ته به د امریکا تر څارنې لاندې د ترهګرو پرضد عملیات کېږي.
