د مېچنۍ مومندو کروندګر د جوارو پر ځای سبزیانې کري
د کوزه مومندو قبایلي سیمې مېچنۍ کروندګر وايي، څه موده مخکې ورته حکومت امر کړی و چې د جوارو فصل دې نه کري، ځکه چې د جوارو د پټیو په منځ کې د وسله والو کسانو د پټېدو وېره لیدل کېږي. د یادې سیمې کروندګرو مشال راډیو ته ویلي چې اوس دوی د جوارو پر ځای سبزیانې کري. د دوی په وینا د سبزیانو کرونده زیاته خواري غواړي خو ګټه یې هم ډېره ده. د مشال خبریال شاهنواز ترکزي پرې ویډیويي راپور جوړ کړی دی.