د نهې ورځ د اپریل په دویمه په اسلام اباد کې د وزیراعظم نوازشریف په مشرۍ د ګډو ګټو ( مشترکه مفاداتو ) ۳۱ مه غونډه کېږي چې پکې د څلورو واړو صوبو اعلا وزیران او نور لوړ پوړي چارواکي ګډون کوي.
د خېبر پښتونخوا لومړي وزیر پروېز خټک د دوشنبې په ورځ په نوښار کې یوې غونډې ته د وینا پر مهال وویل چې دوی به له وفاقه د صوبو حقونو غوښتنه کوي چې پکې د بجلۍ او ګېس د پیسو ونډه (رایېلیټي) راځي.
دوی وايي وفاقي حکومت ورته خپل حق پوره نه ورکوي.
