د ننګرهار ولایت مطبوعاتي مسوول عطاالله خوږیاڼی د دوشنبې په ورځ مشال راډیو ته وویل: د بټي کوټ ولسوالۍ اړوند باريکاب سيمه کې نن شاوخوا درې بجې وسله والو مخالفينو د سوزوکي موټر څخه په استفادې د بهرنيو ځواکونو د موټرو پر کاروان ځانمرګی بريد کړی، چې په نتیجه کې يې يوازې ځانمرګی بريدګر وژل شوی او بهرنيانو ته په کې کوم زيان نه دی اوښتی.
د پېښې مسوولیت تر دې دمه کومې وسله والې ډلې نه دی منلی.
