د ننګرهار په چپرهار ولسوالۍ کې د بهرنیو ځواکونو بېپېلوټه الوتکې پر داعش وسلهوالو هوايي برید کړی دی.
د ننګرهار د والي ویاند عطالله خوږياڼي نن دوشنبه ازادي راډيو ته وويل چې په دغه برید کې ۸ داعش وسلهوال وژل شوي او دوه نور ټپیان شوي دي.
نوموړي دغه شان وویل، تېره ورځ په دې ولسوالۍ کې د داعش او طالب وسلهوالو ترمنځ هم نښته شوې چې د خوږياڼي په خبره د دغو ډلو په خپل منځي نښتو کې ۲۱ طالبان او ۷ داعش وسلهوال وژل شوي دي.
ښاغلی خوګیاڼی وايي، د دغو ډلو په بریدونو کې یوه نجلۍ وژل شوې او ۸ تنه نور ملکي وګړي ټپیان شوي دي.
د سیمې د خلکو په وینا، داعش وسله والو پرون د دې ولسوالۍ ځينې سیمې نیولي او د عامو خلکو ۷ کورونه يې سوځولي دي.
خو تراوسه وسلهوالو مخالفانو په دې اړه څه نه دي ویلي.
