د لاسرسي ځای

تازه خبر

شمالي کوریا ته د امریکا خبرداری


د امریکا متحده ایالتونو مرستیال ولسمشر مایک پنس شمالي کوریا ته د اټمي میزایلو په خاطر خبرداری ورکړی او ویلي یې دي چې په دې کار سره دې د ولسمشر ډونالد ټرمپ اراده نه ازمايي.

مرستیال ولسمشر نن په سیول کې خبریالانو ته وویل چې د شمالي کوریا د اټمي وسلو او میزایلو د مخنیوي لپاره ټول انتخابونه موجود دي:

"یوازې په تېرو دوو اونیو کې، په سوریه او افغانستان کې په پوځي اقداماتو سره نړۍ زموږ د نوي ولسمشر قدرت او عظم وکوت، شمالي کوریا باید د هغه اراده او یا هم په سیمه کې د متحده ایالتونو د وسله وال پوځ قدرت ونه ازمويي."

د روسیې د بهرنیو چارو وزیر تازه په دې اړه غبرګون ښودلی او ویلي یې دي چې د ملګرو ملتونو له پرېکړه لیک سره په تضاد کې د پیونګ یانګ د اټمي میزایلو ازموینه ورته د منلو وړ نه ده خو دا په دې معنی نه ده چې نړیوال قوانین تر پښو لاندې شي.

سرګي لاوروف په مسکو کې خبري کنفرانس ته ویلي چې هیله ده په سوریه کې د وروستیو یو اړخیز اقدام په څېر بیا څه ونه لیدل شي.

متحده ایالتونو روانه میاشت په سوریه کې د بشاراسد د رژیم یوه هوایي اډه بمبار کړه او هم یې په افغانستان کې د اسلامي دولت ډلې پټنځای په تر ټولو لوی غیر اټمي بمب وویشت.

د مشال ځانګړې پاڼې

XS
SM
MD
LG