بنو کې د مشال وژلو ضد لاریون
په بنو کې د پیپلز لیبر بیورو، پښتونخوا ملي عوامي پارټۍ او پښتانه مترقي لیکوالانو د مشال خان وژنې خلاف نن د ګل ورځ یو احتجاجي لاریون وکړ. دوی له حکومته غوښتنه کوله چې د مردان عبدالولي خان پوهنتون د زده کونکي مشال خان په وژنه کې ککړ ټولو تنانو ته دې سخته سزا ورکړل شي. مشال خان د تیر زیارت په ورځ په پوهنتون کې دننه قهرجنو زده کونکیو وواژه. د هغه د وژنې خلاف د ملک په یوشمیر ښارونو کې مظاهرې هم روانې دي.