د لاسرسي ځای

يو راپور چې نن چارشنبه خپور شوى وايي، په شام کې له ٢٠١١م کال راهيسې د ”جنګي جرايمو د اعمالو“ له کبله څه باندې ٨٠٠ روغتيايي کارکوونکي وژل شوي دي.

دغه راپور چې په لانسِت مېډيکل جورنال (Lancet medical journal) کې خپور شوى وايي، ډېر روغتيايي کارکوونکي پر روغتونو د بمباريو، ډزو، شکنجې او اعدامونو په نتيجه کې چې لويه برخه يې حکومت پلوه ځواکونو ترسره کړې وژل شوي دي.

د راپور له مخې له صحي اسانتياو نظامي ګټه د سلګونو روغتيايي کارکوونکو د وژنې سبب شوې، په سلګونه نور بنديان شوي يا شکنجه شوي او پر سلګونو روغتيايي مرکزونو په لوى لاس او منظم ډول حملې شوې دي.

د دې خپرونې راپور وايي ۱۵ زره ډاکټران له شام څخه وتلي، چې له کبله يې په سلګونه زره ولسي وګړي له اساسي روغتيايي خدماتو بې برخې شوې دي

XS
SM
MD
LG