اصغر اڅکزی: ترهګري باید له هېڅ ملت او مذهب سره و نه تړل شي
په پاکستان کې په دا وروستیو کې د ترهګرۍ پرله پسې ځینو پېښو وروسته په پنجاب او سند صوبو کې د پښتنو/افغانانو د نیولو او ورسره له افغانستان سره د پولې تړلو پرضد د عوامي نېشنل ګوند په غوښتنه د جمعې په ورځ په کوټه ښار کې هړتال او کاربندیز وو. د عوامي نېشنل پارټۍ بلوچستان صدر اصغر خان اڅکزي د مشال راډيو له خبریال ایوب ترین سره په خبرو کې وویل چې د ترهګرۍ له پېښو سره پښتانه افغانان نښلول هېڅ د منلو نه دی او نه باید له هېڅ یوه مذهب، ملت او نسل سره ترهګري و تړل شي.