د لاسرسي ځای

 پاریس کې د ویشتل شوي کس حالت ښه نه دی


د فرانس چارواکي وايي هغه سړى چې د پیريس په يوه موزيم کې د يوه امنيتي ساتونکي له خوا ويشتل شوى، په مرګوني حالت کې دي.

چارواکي وايي دغه کس د جمعې په ورځ پنځه مرمۍ هغه وخت وويشتل شو چې د موزیم پر امنيتي ساتونکو يې د چړې حمله وکړه.

په پېښه کې يو فرانسوى سرتېرى برسېرن ټپی شوى دى.

د پاريس څارنوال فرانسوا مولين تېره شپه يوه کنفرانس ته وويل: په دغه اړه يې پلټنې پیل کړي دي.

د فرانسې يوه څارنوال اسوشېټېډ پرېس اژانس ته ويلي چې حمله کوونکى د متحده عرب اماراتو اوسېدونکى دى چې د جنورۍ پر ٢٦مه پاريس ته راغلى و.

خو په مصر کې ځينو سرچينو ويلي، حمله کوونکى عبدالله رعد الحمامي نومېږي چې ٢٩ کلن او د مصر وګړى دى.

چارواکي وايي پاريس ته له راتګ سره سم بريدکوونکي د پاريس د وسلو خرڅولو په يوه دکان کې دوې چړې اخستې وې.

XS
SM
MD
LG