د لاسرسي ځای

افغان چارواکي په بغلان کې د ۱۲ کسانو وژنه څېړي


د افغانستان د بغلان والي وايي په تاله و برفک ولسوالۍ کې د ١٢ کان کيندونکو د وژنې څېړنې يې پيل کړې دي.

پرون د تاله و برفک ولسوالۍ په اناردره سيمه کې پر دغو کان کيندونکو وسلوالو حمله وکړه.

د بغلان چارواکي وايي په پېښه کې ١٢ کان کيندونکي وژل شوي او پنځه ژوبل شوي دي.

د بغلان والي عبدالستار بارز بيګا مشال راډيو ته وويل چې کان کيندونکي ساحې ته روان وو چې په دره کې نامالومو وسله والو ورباندې برید وکړ .

په په ځينو راپورونو کې د وژل شويو کان کيندونکو شميره١٣ ښوول شوى ده.

XS
SM
MD
LG