په بغلان کې نامعلومه وسله والو د جمعې ورځ د ماسپښین شاوخوا درې بجې ۷ کانکیندونکي وژلي دي.
د بغلان د تاله او برفک ولسوال فیض محمد امیري ازادی راډیو ته وویل چې دا کسان د اناردرې په سیمه کې وسله والو وژلي دي او څلور تنه نور یې ژوبل کړي دي.
که څه هم هېچا د دې حملې مسوولیت نه دی منلی خو د تاله او برفک ولسوال وايي کیدای شي داعش (اسلامي دولت ډلې) دا کانکیندونکي چې هزاره توکم دي او له بغلان نه بامیانو ته خپلو کورونو ته روان ول ویشتلي وي.
تر دې مخکې هم په لویو لارو کې د سړي تښتونو پېښې شوي خو دا لومړی وار دی چې په دې تعداد کسان د سفر پر مهال وژل کیږي.
