د افغانستان د هرات سیمهییز چارواکي وايي، د طالبانو یو نومول شوی ولسوال او شپږ نور ملګري یې په دغه ولایت کې وژل شوي دي.
د هرات د والي ویاند جیلاني فرهاد مشال راډيو ته وویل، طالبانو ملا غني مبارز د کشک کهنه ولسوالۍ لپاره ولسوال ټاکلی و چې د افغان پوځیانو په ظفر نومي عملیاتو کې ووژل شو.
فرهاد زیاتوي”:د طالبانو نومول شوی ولسوال ملا غني مبارز له خپل مرستیال او پنځو نورو طالبانو سره ووژل شول.په عملیاتو کې افغان امنیتي ځواکونو ته کومه مرګژوبله نهده اوښتې."
هغه ونه ویل چې دا کسان دقیقاً څه وخت وژل شوي دي خو د ظفر عملیات له درې ورځو راهیسې په کشک کهنه ولسوالۍ کې روان دي.
وسلهوالو طالبانو د پېښې په اړه تر اوسه کوم غبرګون نه دی ښودلی.
