پولیس وايي، لسګونه وسله وال کسان چې له یاغي مسلمانانو سره یې ارتباط درلود په جنوبي فیلپین کې یې پر یو زندان برید کړی، د زندان یو ساتونکی یې وژلی او له ۱۵۰ و زیات قیدیان یې خوشي کړي دي.
د فلیپين جنوبي جزیرې له لسګونو کلونو راهیسې د مسلمانانو له بغاوت سره مخامخ دي.
د زندان مسول پیټر بونګاټ ځايي رسنیو ته ویلي چې وسله والو د ( کیډا پاون ) ښار په ( شمالي کوتاباتو ولسوالۍ ) زندان له ځايي وخت سره سم د شپې په یوه بجه پر ساتونکیو حمله وکړه.
د زندان د شاوخوا یو نیم زرو قیدیان څخه ۱۵۸ یې په تښتیدو بریالي شوي چې ۴ تنه یې دوباره نیول شوي دي.
