د لاسرسي ځای

په ارزګان کې پینځه تنه وسله وال وژل شوي


په افغانستان د افغان ځواکونو د ۲۰۵ اتل قول اردو مسؤلین وایي چې ارزګان کې د یوه قوماندان په ګډون پینځه وسله‎وال طالبان وژل شوي دي.

د ۲۰۵ اتل قول اردو د عامه اړیکو مسؤل محمد صادق نن(سېشنبه) مشال راډیو ته وویل چې د ارزګان په چورې ولسوالۍ کې افغان ګډو ځواکونو هوايي او ځمکني عملیات ترسره کړي چې په نتیجه کې یې د وسله‎والو طالبانو د یو مهم قوماندان ملالعل محمد په ګډون پینځه وسله وال طالبان وژل شوي او درې نور ټپیان شوي دي.

نوموړي همدارنګه وویل چې وسله‎والو طالبانو پر امنیتي ځواکونو د برید پلان درلود خو خپل هدف ته ونه رسېدل.

دا په داسې کي ده چې د دوشنبې په ورځ د ملي دفاع وزارت په اته ولایتونو کې د نویو پوځي عملیاتو د پیل خبر ورکړی.

XS
SM
MD
LG