د پاکستان په قبايلي سيمو کې د اییني او قانوني اصلاحاتو په اړه په سېنټ کې بحث روان دي. تر دي وړاندې په قامي اسمبلۍ کې په دې اړه بحث مکمل شوی وو.
له کرمې نه د سېنټ غړي سجاد حسين توري د چارشنبې په ورځ مشال راديو ته وويل چې د وفاقي حکومت په رپورټ کې ځيني نیمګرتياوي موجودې دي:
د یادونې ده چې د قبایلي سیمو د اییني او قانوني اصلاحاتو لپاره وزیراعظم یوه کمیټي ټاکلې ده، دې کمیټۍ د ټولو قبایلي سیمو له دورو وروسته خپل سفارشات وزیراعظم او پارلېمان ته وړاندې کړي دي.
د چارشنبې په ورځ د پاکستان سپریم کورټ وفاقي حکومت ته امر وکړ چې د راتلونکي کال د مارچ له ۱۵مه به په هېواد کې سر شمیرنه یا مردم شماري کوي.
په دې هکله د پښتونخوا ملي عوامي ګوند سېنیټر عثمان خان کاکړ پرون مشال راډیو ته وویل: پکار دي چې د سپریم کورټ دا امر عملي شي ځکه چې د مردم شمارۍ نه کیدلو له وجې په دې هېواد کې پښتانه ترټولو ډېر متاثره کېږي.
په پاکستان کې وروستۍ مردم شماري په ۱۹۹۸م کال کې شوی ده.
