ټرمپ د اسلامي دولت وسله والو د راټوکېدو تور پر کلنټن پورې کړ
د امریکا ولسمشرۍ لپاره د ریپلیکنو کاندید ډونالډ ټرمپ یوې انتخاباتي غونډې ته په خپله وینا کې وویل، چې د ډیموکراټانو کاندیده هیلري کلینټن د اسلامي دولت وسله والې ډلې د غوړېدو مسوله ده. د نومبر په درېمه په شمالي کېرولاینا کې غونډې ته ټرمپ وویل چې د بهرنیو چارو پخوانۍ وزیرې او ولسمشر بارک اوباما له منځني ختیځه د ځواکونو وتلو لپاره په ډاګه یا څرکند اعلان وکړ. په شمالي کېرولاینا کې هیلري کلینټن چې د ولسمشرۍ لپاره د هغې مخکینی سیال نوماند بېرني سېنډرز او وتلی پاپ سندرغاړی فېرېل ویلیمز هم پکې شتون درلود، پر دغه ورځ خپلو پلویانو ته په وینا کې وویل چې ټرمپ افریقايي – امریکايي ټولنې ته درناوی نه لري. د (اې پي ویډيو)