د قبایلي سیمو د تعلیم محکمه وايي ، هغه سکولونه نه بندوي په کومو کې چې د ماشومانو شمېر لږ وي.
د یادې محکمې ایډشنل ډاریکټر حنیف الرحمان مومند د چارشنبې په ورځ مشال راډیو ته وویل ، دوی به اوس د دې سکولونو استادانو ته موقع ورکوي چې نور ماشومان په سکولوو کې داخل کړي.
حنیف الرحمان مومند وویل چې دوی به په قبایلي سیمو کې د تعلیم په برخه کې نوي استادان هم اخلي او ټولې تړل شوې ادارې به بیرته پرانیزي.
