دا اونۍ په مشال مرکه کې د خېبر پښتونخوا ګورنر اقبال ظفر جګړا مو مېلمه دی. نوموړی په دې مرکه کې وايي له قبایلي سیمو د کډه شویو خلکو واپسي یې لومړۍ ترجېح ده او په ډېره کمه موده کې به ټول قبایلي کډوال خپلو سیمو ته ستانه شي. جګړا د قبایلي سیمو د سباوون په اړه هم په دې مرکه کې معلومات راکړي او وايي په راتلونکیو څو کلونو کې به قبایلي سیمې په قومي بهیر کې شاملې شي. نوموړی زیاتوي چې د قبایلیانو د ژوند د معیار د لوړولو لپاره کوټلې پروژې یې په پام کې نیولې دي.