د ستنېدونکیو افغان کډوالو ستونزې
د پېښور په څمکنیو کې د ملګرو ملتونو کډوالو ادارې (یو اېن اېچ سي ار) په خپله خوښه هېواد ته د ستنېدونکو افغان کډوالو لپاره یو مرکز جوړ کړی دی. دلته کډوال راجسټرېږي، ورسره د مرستو چارې پر مخ ځي او بیا کډوالې کورنۍ افغانستان ته ستنېږي. کډوالې کورنۍ وايي، په ورځو، ورځو په دې مرکز کې انتظار باسي. دوی وايي، هېڅ کس ورسره مرسته نه کوي او ماشومان یې په سخته ګرمۍ کې ناروغه شوي دي. په دې اړه د خالد خان ویډیو يي راپور وګورئ.