د ډوګ درې یو بلدیاتي استازي احسان الله مشال راډیو ته وويل چې تر چاودنې وروسته د یرې ترهې له امله په ډوګ دره کې تر ۵۰ زيات سکولونه وتړل شول.
د ډوګ درې سکول يو ښوونکی ناصر خان وايي، له حکومته يې مخکې هم غوښتنه کړې وه چې د امنيت انتظام ورته وکړي خو تر دې دمه نه دېوال لري او نه هم د سکول لپاره څوکيدار.
د بر دير د تعلیم د څانګې يو چارواکی کلیم الله وايي د سکولونو شمېره ډېره زیاته ده او د ده تر څارنې لاندې ۱۹۵ سکولونه دي چې په لرې سيمو کې موقعيت لري.
د نوموړي په وينا له دوی نه پنځه شپږ سکولونه پاتېشوي دي خو په را روان پلان کې به د دې سکولونو دېوالونه هم جوړ کړي.
