'پاکستاني ځواکونه دې پر تورخم غاړه میشت پښتانه نه ځوروي'
نن په لواړګي د خېبر ایجنسۍ د سیاسي ګوندونو غړیو او قومي مشرانو په ځايي پرېس کلب کې په یوه ګډه خبري غونډه کې له حکومت غوښنته وکړه چې د پاکستان امنیتي ځواکونه دې پر تورخم غاړه میشت یا اباد قبایل نه ځوروي او پر دوی دې د پولې انتظام پالیسي نه لاګو کوي او دوی ته دې د راهدارې کارډونه جاري کړل شي او په تګ راتګ کې دې ورسره نرمي وکړل شي. دوي وایي، پر تورخم پوله یې د سختۍ له امله کاروبار په ټپه ولاړ دی او په افغانستان کې میشت له خپلو خپلوانو سره هم نه شي لیدلی. د مشال راډیو خبریال فرهاد شینواري راپور