د امریکا جمهوريپالانو (ریپبلیکن) په رسمي توګه شتمن اربپتي ډونالډ ټرمپ په دغه هېواد کې د ولسمشرۍ په راتلونکو انتخاباتو کې د خپل کاندید په توګه ونوماوه.
تمه کېږي چې ډونالډ ټرمپ به د چارشنبې په ورځ په خپله وینا کې په رسمي توګه خپله کاندیدي ومني.
امریکا ته د مسلمانانو پر ورتګ د بندیز او د مکسیکویانو کډوالو د مخنیوي لپاره د دیوال جوړونې غوښتنې او همدارنګه د ښځو په اړه د ټرمپ تبصرې ان خپله د یو شمېر لوړوپوړو جمهوريپالو لخوا هم سپکونکې او بېلتون اچونکې بلل شوي دي.
