د لاسرسي ځای

تازه خبر

ملاله یوسفزۍ : د نړۍ مشران دې د نجونو په تعلیم پیسې ولګوي


ملاله یوسفزۍ په نیویارک کې د خپلو ملګرو سره

ملاله یوسفزۍ وايي په نړیوال کچ داسې ګامونه پورته کول پکار دي چې د ماشومانو او په ځانګړي ډول د نجونو د تعلیم لپاره مبارزه وشي او د هېچا ماشوم له ښونځي لرې پاتې نه شي.

د یکشنبې په ورځ په نیویارک کې « ګلوبل سټیزن فیسټول» ته د وینا پرمهال ملاله یوسفزۍ وویل باید د نړۍ هیوادونه په تعلیم پېسې ولګوي.

دغه مېله چې په نړۍ کې د غربت د ختمولو په موخه جوړه شوې، د نړۍ یو شمېر مهمو شخصتونو پکې ګډون وکړ. په یاده مېله کې د ملاله یوسفزۍ سره د سوات کاینات او شازیه هم موجودې وې.

ملالې یوسفزۍ دخپلې وینا په یوه څنډه کې وویل :

« په نړۍ کې ۶۶ ملیونه جینکۍ سکولونو ته نه ځي، او دا موږ په دې مجبوروي، چې دلته دا خبره وکړو، چې د نړۍ یو مشر به هم دا ونه غواړي چې د هغه بچۍ دې د سکولونو نه محرومه وي، نو بیا ولې دې د د نړۍ دغه نور ماشومان له پامه وغورځول شي. »

ملالې زیاته کړه په خپلو نړیوالو اهدافو کې تعلیم تر ټولو مخکې ګڼي، او باید نړیوال مشران هم په تعلیم پیسې ولګوي.

ځانګړې پاڼې

له موږ سره اړیکي

XS
SM
MD
LG