د شام حکومت وایي چې نړیوال ایتلاف نه دی توانیدلی چې په پالمیرا کې د اسلامي دولت وسله والې ډلې د پرمختګ مخه ونیسي.
دغه ښار تېره اونۍ داعش ونیو او د چارشنبې پر ورځ یې پکې د سوریې د رژیم شل پلویان د عامو خلکو مخکې اعدام کړل.
د امریکا په مشرۍ ایتلافي ځواکونو په پالمیرا کې هوایي بریدونه پيل کړې دي څو پرې نه ږدي چې یاغیان دغه لرغونی ښار وران کړي. خو د سوریې د بهرنیو چارو وزیر دا بریدونه بې ګټې بللي دي.
د بشري حقونو د څارونکو وايي، په تیرو اتو ورځو کې چې داعش دا ښار نیولی دی تر ۲۲۰ ډير کسان یې د ښار دننه او شاوخوا وژلي دي.
