خیبر ایجنسۍ: د عملیاتو له کبله تر اوسه ۳۵ زره کورنۍ بې کوره شوې دي
پېښور: د خیبر ایجنسۍ د بې کوره کړل شوو خلکو یوې کمېټۍ ویلي چې حکومت د خیبر په زرګونه کډوالو سره هیڅ مرستې نه دې کړي. دې کمېټۍ د پنجشنبې په ورځ د پېښور په مطبوعاتي مرکز کې یو خبري غونډې ته وویل چې په خیبرایجنسۍ کې د پاکستاني پوځ د روانو عملیاتو له کبله تر اوسه ۳۵ زره کورنۍ بې کوره شوې دي. د کمېټۍ غړو په خپلو خبرو کې له حکومته غوښتنه وکړه چې د دوی په سیمه کې دي ژر تر ژره امن پر ځای کړي او دوی دي خپلو سیمو ته ستانه کړي.تفصیل د غلام غوث په دې ویډیویي راپور کې.