د جمرود بمي چاودنې د سترګو حال
خېبر ايجنسۍ په جمرود بازار کې یوې زورورې بمي چاودنې لږ تر لږه ۲۳ کسان وژلي او څه باندې ۳۰ نور یې ژوبل کړي دي.په جمرود کې د مشال خبریال وايي چې دا بمي چاودنه په جمرود بازار کې د ګاړو په يوه اډه کې شوې .د نوموړي په خبره په وژل شویو کې د زخه خېل او کوکي خېل قبیلې وګړي هم دي چې په خپلو سیمو کې یې ځايي امن لښکرې جوړې کړې دي.د مشال خبریال وايي،چې په چاودنه کې درې خاصه داران ،هنګو او نورو سیمو ته تلونکي مسافران،ځايي دوکانداران او یو شمېر نورو عامو خلکو ته مرګ ژوبله رسېدلې ده.
