اروپايي ټولنې یو ځل بیا ویلي دي چې د اوکراین نوي ټاکل شوي ولسمشر پیترو پوروشېنکو ملاتړ به کوي.
دا اعلان بېګا د ټولنې غړو هېوادونو د مشرانو تر غونډې وروسته شوی دی. د اروپايي کمېسیون مشر هوزې مانول باروسو په برسلز کې وویل، اروپايي ټولنه د ((اوکراین د قانوني منتخب شوي مشر)) شا ته ولاړه ده.
باروسو وویل، د ټولنې مشرانو په غونډه کې په اوکراین کې د اییني اصلاحاتو، د هغه هېواد د خراب اقتصاد ښه والي لپاره د مالي مرستو او د انرژۍ په ترځ کې د اوکراین او اروپا د خوندیتوب لپاره د زیات کار پر موضوعاتو خبرې وکړې.
