په عراقۍ پلازمېنه بغداد کې پر شیعه زیارت کوونکو د حملو لړۍ لږ تر لږه ۱۶ کسان وژلي دي.
د تېر ماښام په حملو کې دوه ځانمرګې حملې او یو موټر بمي برید شامل دي. دا حملې پر هغو عبادت کوونکو شوې دي چې د اهل تشیع د سپېڅلي امام موسا الخادم د مړینې ورځې په مناسبت یې د غونډې تیاری کړی وو.
ټاکل شوې ده چې تر دوو ورځو به په بغداد کې په زرګونه نور کسان هم د خادم د مړینې ورځې په مناسبت ورغونډ شي.
نوموړی په ۷۹۹ز کال کې مړ شوی وو. یو امنیتي ویاند وايي، یو ځانمرګی بریدګر توره ښځینه قبا اغوستې وه.
